„Ден без автомобили„ утре во Охрид – се одбележува Европската недела на мобилност

Градот Охрид утре ќе го одбележи „Денот без автомобили“  кој се случува по повод Европската недела на мобилност која годинава го носи мотото „Чиста, споделена и паметна мобилност“.

Велосипедското дефиле ќе започне во 11:00 часот пред општинската зграда. Во перидот од 11-13 часот за сообраќај ќе бидат затворени улиците: „Димитар Влахов“, „Кузман Јосифовски“ – од пресекот со „Димитар Влахов“ до пресекот со „Партизанска“, „Партизанска“ – од пресекот со „Кузман Јосифоски“ до пресекот со „Јане Сандански“ и дел од „Јане Сандански“ – од пресекот со „Димитар Влахов“ до општинската зграда .

Охриѓани  своите автомобили ќе ги остават дома и ќе пешачат или ќе возат велосипед се со цел да укажат на важноста од  зачувување на чиста животна средина и чист воздух.

Ова е пракса која е застапена во повеќе европски градови.

Извор: Охридпрес/Strugaonline