На овој ден се споменува чудесното воскресение на четиридневно упокоениот Лазар, во она време извршено од Богочовекот Исус Христос.
Со празникот се поврзани голем број на обичаи и верувања, од кои најпознат е обичајот „лазарки“. Кај народот се верува дека нивното пеење носи радост, среќа и благодат во куќата што ќе ја посетат. Лазарките го најавувале доаѓањето на пролетта и Велигден. Во христијанството овој празник ја означува победата на животот над смртта.
Со Лазарева сабота се поврзани повеќе обичаи и песни познати како лазарски. Ги изведуваат девојки во групи одејќи по куќите и низ населените места и пресретнувајќи ги луѓето. Лазарките му пеат посебна песна на секој човек зависно од неговата возраст и општествената положба и за тоа добиваат дарови, најчесто пари.
Во овие песни се велича личноста, се посакуваат напредок на семејството, здравје и среќен живот на поединецот.
Именден празнуваат: Лазар, Лазарка, Лазо.
Извор: МРС фото: Архива, Наум Кутаноски
Facebook Коментари