Детската група при КУД ,,Илинден“ ќе настапи на Интернационалниот фестивал ,,Будва танцува“

Детската група при КУД ,,Илинден“ Струга деновиве го има своето прво меѓународно претставување. Тие ќе настапи на интернационалниот фолклорен фестивал ,,Будва танцува“ што од денеска до 19-ти јуни се одржува во Будва, Црна Гора.

-Ова е многу важен настап за детската група, затоа што за прв пат се претставуваат пред странска публика. Ова е само почеток во процесот на нивното меѓународно претставување. Во оваа група членуваат деца од 10 до 14 години и сметам дека се сосема подготвени за настапот на овој фестивал-изјави за Strugaonline Љупчо Милошески, кореограф во КУД Илинден.

Тој додаде дека станува збор за фестивал од ревијален карактер на кој освен струшкото друштво, ќе настапат и културно уметнички друштва од Србија, Бразил и домаќините Црна гора.

Освен настапот на фестивалот, за децата е планирана и рекреативна програма за запознавање на знаменитостите во Будва

-Покрај официјалната програма на фестивалот и уживање на Јадранот, предвидени ни се прошетки во стариот град Будва и манастирот св. Стефан. -додаде Милошески.

Патувањето е финансиски поддржано од општина Струга.

Strugaonline