Под мотото „Културата расте со децата“ , вечерва со почеток во 20:00 часот на сцената кај ТЦ Амам ќе настапи модерниот детски, светски бренд „Веселите ѕвончиња“.
Настанот е дел од Програмата за деца на Општина Охрид.
Минатиот петок, на истата локација, најмладите уживаа во театарската претстава „Цветко и неговата градина“, а до 6-ти октомври, секој петок ќе се реализираат низа културно-забавни настани и активности за деца до 12 години. На отворените сцени на Долни Сарај, плоштадот „Крушевска Република“, плоштад „Вангел Наумовски“ (кај Мини маркет), Лапидариум, Градски плоштад „Свети Климент Охридски“ и други јавни површини во градот ќе бидат изведени детските театарски претстави „Цветко и градината“, „Разгалениот принц“, „Младиот чорбаџија“, „Дизајнерот Далматинко“ и „Црвенкапа“. Сите претстави ќе бидат во изведба на „Театар Хит“ од Скопје, а најмладите преку омилените детски ликови ќе имаат можност да се дружат со нашите познати актери Магдалена Ризова Черних, Сашо Ристовски, Ема Давчева и Бранко Атанасов.
Facebook Коментари