ДКСК со честитки до Општина Струга за посветеноста во извештајот на ДКСК за 2024 година

Извештај на Државната комисија за спречување на корупцијата за 2024 година.

Имплементацијата на системот на интегритет во локалната власт е клучен во градењето на силна локална самоуправа и во создавањето на довербата кај граѓаните. Поради ова, Државната комисија за спречување на корупцијата (ДКСК), поаѓајќи од заложбите за обезбедување на почитувањето на уставноста, законитоста, професионалниот интегритет, транспарентноста и заштитата на човековите слободи и права, превзема активности согласно својата законска надлежност во насока на јакнење на личниот и институционалниот интегритет.

Целта на следењето на системот за интегритет е да се утврди ефикасноста на применетите политики и процедури кои овозможуваат доследна примена на стандардите за интегритет, како и за мерење на резултатите од применетите мерки за намалување на ризиците од корупција.

Според резултатите кои произлегуваат од Извештајот за примената на системот за интегритет за 2024 година, ДКСК упатува честитки до Општина Струга за посветеноста и го доставува на запознавање, а овој Извештај е јавно достапен на веб страната на ДКСК и беше доставен до Собранието на Република Северна Македонија во прилог на Годишниот извештај на ДКСК.

Според податоците од Извештајот, од 81 единици на локална самоуправа, 72 потпишале политика на интегритет, меѓу кои спаѓа и Општина Струга. Од вкупно 72 единици на локална самоуправа, само 38 одговориле на прашалникот за мониторинг на политика на интегритет, а 34 делумно ја исполниле или воопшто не ја исполниле ова обврска.

Општина Струга (48.9%) е подобра од групата на поголемите општини како што се Гази Баба (45.9%), Ѓорче Петров (45.6%), Куманово (43.0%), Охрид (37.8%), Штип (34.5%), Гостивар (25.0%), додека подобро рангирани се општините Битола (49.6%) и Струмица (70.2%).