Екипите на итните служби се соочуваат со проблем при извршувањето на своите задачи во Стариот дел на Охрид, информираат од ТППЕ-Охрид.
Оттаму објаснуваат дека проблемот е комплексен и како што велат, првично треба да проработи свеста кај секој граѓанин поединечно. Според објавените фотографии од територијалната противпожарна единица, една од причините за проблемот се паркираните возила на несоодветни места.
-Стариот дел на градот е од исклучителна важност , со оглед на тоа што поседуваме културно-историски споменици од непроценливо значење. Опасноста од блоковски пожари на овој потег е голема имајќи ја предвид збиеноста на објектите, неможноста за брзо и ефикасно интервенирање и слично-стои во соопштението од ТППЕ Охрид.
Оценуваат дека загрозеноста во овој дел од градот е високо ризична.
Strugaonline
фото: ТППЕ Охрид
Facebook Коментари