Вчера во Струга, во присуство на Градоначалникот на Општина Струга, д-р Рамис Мерко, заедно со Секторот за образование и култура на општината, директорот на СОУ „Нико Нестор“-Струга, но и во присуство на почитуваните професори, струшките бизнисмени и други гости, се одржа информативна средба во врска со кампањата на министерството под мотото “Учи мудро, работи професионално“ за унапредување на средното стручно образование (дуални паралелки), со посебен акцент на училиштата од Општина Струга.
Според зборовите на Градоначалникот, заложбата што ја презеде Министерството за образование и наука, поточно Владата на Република Северна Македонијаа, но и Општина Струга со гимназијата, е насочена кон тоа што повеќе ученици да се вклучат во бизнис секторот, да одат на пракса и да напредуваат во нивната насока пред да се вработат во бизнис секторот. Така, бизнисите ќе имаат професионална работна сила, а ќе се вработуваат и учениците. Како проблем, ова прашање треба да се подигне на повисоко ниво како внимание и на општинско ниво, на ниво на училиштата, на централно ниво, но и на ниво на бизнисите.
-Претходно размислувавме и разговаравме за промени во професионалното образование, што точно сакаат бизнисите, но очекуваме и тие да дадат предлози според нивните потреби, за потоа да воспоставиме такви насоки. Очекуваме и се надеваме дека министерот и МОН ќе помогнат во овој процес.-истакна Мерко.
Почитуваниот министер истакна дека во овој проект се вклучени повеќе компании на државно ниво и имаме многу позитивни резултати во оваа насока, затоа сме присутни во Струга, во двете средни училишта сме имале и ќе имаме нови инвестиции и покрај актуелната криза. Во Струга имало и занаетчиско училиште, а ќе се направат обиди за заживување на ова училиште за да се оспособат лицата во повеќе области. Според министерот, потребна е длабока анализа за тоа каков профил или професија им треба на бизнисите. Како министер ќе испрати предлог до Владата на РСМ да им помогне на учениците, во форма на мерки за субвенционирање. Се подготвува и Законот за средно образование и Законот за средно стручно образование и овие закони се во собраниска процедура каде има целосен консензус од сите политички партии во Собранието на РСМ. Според министерот Шаќири, има проблеми во прибирањето на потребните податоци за утврдување на стручните насоки, што го отежнува овој процес. Од друга страна, има неколку многу практични примери како може да се решат овие проблеми, земајќи го на пример средното стручно училиште од Тетово.
Директорката на средното стручно училиште “Нико Нестор“ истакна дека има позитивни резултати во проектот за двојни паралелки (на пример, текстилната насока), им се заблагодарува и на сите струшки бизниси кои се вклучени во овој проект, но и на Општина Струга, која се обврзала да изгради нови кабинети за професионално учење, каде што ќе се определи и кабинет за занаетчиското училиште.
На оваа средба зборуваше и Директорката на Агенцијата за вработување, Директорот на болницата Струга, како и дел од почитуваните професори од гимназијата, кои дадоа идеи и предлози за стручните насоки, но ги споменаа и проблемите со кои се соочува гимназијата. Позитивни предлози дадоа и дел од локалните стопанственици од различни стопански гранки, каде според нив, приватниот сектор е подготвен да придонесе за решавање на проблемите.
Facebook Коментари