Ј.П. „Комунално“ Струга: Во летниот период комуналниот отпад ќе се подига од 06 часот наутро

Во летниот период, почнувајќи од месец јуни, комуналниот отпад ќе се подига од 06:00 часот наутро.

Согласно Програмата за работа за оперативната 2025 год., Ј.П. „Комунално“ Струга во летниот период почнувајќи од месец јуни, собирањето, транспорт и депонирањето на комуналниот отпад, ќе се реализира од 06:00 часот.

– Овие активности се превземаат заради зголемениот обем на работа и потребите кои се наметнати во летниот период, секое непочитување на динамиката ќе биде пријавено до Комуналната инспекција и ќе биде соодветно санкционирано, велат од Ј.П. „Комунално“ Струга.