Кандидатот од редовите на СДСМ и коалицијата „За живот во Македонија “ Јован Стојаноски е новиот градоначалник на Охрид. Според првичните официјални податоци на Државната изборна комисија, Стојаноски од вкупно излезените 33.754 граѓани на изборите освоил 18.251 глас или 54,07 проценти што е доволно за победа во првиот круг.
Коалицијата предводена од СДСМ победи и во трката за советнички места во идниот состав на советот на општината, со освоени 15.198, пред ВМРО-ДПМНЕ со освоени 12.871 гласови. Тука се и листите на коалицијата ДУИ, БЕСА и Алијансата на Албанците со освоени 2.643 гласа, листата на независниот советник Љупчо Настоски со 1.180 гласа и листата на ДПА со 323 гласа.
Извор:ДИК
Facebook Коментари