ЈЗУ „Нефрологија“ Струга денеска прими вредна донација

ЈЗУ „Нефрологија“ Струга денеска прими вредна донација од хуманитарното здружение LetzCare.

Донацијата вклучува: 10 инвалидски колички, 15 ролатори (помагала за одење), 2 болнички кревети, 10 концентратори за кислород, 3 столици за туширање, 15 компјутери, 1 фиокар (комода со фиоки) и 1 држач за инфузија како и компресивни завои, стерилни гази, хируршки маски, дезинфекциски материјали, ракавици за еднократна употреба и сл.

-Длабока благодарност на хуманитарното здружение LetzCare за вредната соработка и дарежливата поддршка, во рамките на неодамна потпишаниот меморандум, велат од ЈЗУ „Нефрологија“ Струга.

-Оваа соработка, покрај другото е доказ за нашата посветеност кон подобрување на условите за третман и благосостојбата на пациентите. Таа исто така претставува јасен показател дека сигурно и брзо се движиме кон унапредување на квалитетот на здравствените услуги.

Ние се грижиме – и ќе продолжиме да се грижиме – за доброто на нашите пациенти, додаваат од ЈЗУ „Нефрологија“ Струга.