Вечерва со почеток во 19:30ч., во НУЦК „Браќа Миладиновци“, концерт ќе одржи Вокално-инструменталната секција при КУД ИЛИНДЕН – Струга. Публиката ќе има можност да проследи богата музичка програма.
Дејноста на оркестарот има за цел музички, нотно да ги описмени и едуцира членовите. Широк е дијапазонот на музички правци кои ги изучуваат членовите на оркестарот. Освен негување на фолклорот, членовите на оркестарот доколку сакаат можат да учат и класична музика и соло пеење. Оркестарот е отворен за нивниот музички избор, бидејќи целта е членовите соодветно да се едуцираат во областа кон која покажуваат најмногу афинитети.
Сите стекнати знаења вокално-инструменталната секција ќе ги сподели со публиката на вечерашниот концерт. Влезот е по симболична цена од 50 денари.
Извор: Strugaonline
Facebook Коментари