Менди Ќура ја објави кандидатурата за независен градоначалник на Струга

Преку видео порака, струшкиот биснисмен Менди Ќура денеска официјално ја објави својата кандидатура за независен градоначалник на Општина Струга.

– Ова е чекор за кој добивав барања секојдневно. Повици пристигнуваа од бизнис заедницата, која бара појасна насока за градот и од младите кои сакаат да останат во родниот град. Поттик добив и од бројни граѓани кои побараа од мене да се кандидирам и со одговорност и посветеност да управувам со нашиот град. Како стружанец, им одговарам на повиците и ја преземам обврската со целосна убеденост. Ние сме граѓани на овој благословен град, а секој мој личен успех им го посветувам на граѓаните на Струга. Ова е еден од најголемите предзивици шпто сум ги прифатил во животот. Сите показатели покажуваат дека промената е повеќе од неопходна и важна за Струга. На Струга и треба чесна работа, мудро раководство и храброст да го промениме она што не функционира, истакна Ќура.

Додаде дека неговата кандидатура не е трка за власт, не е борба против никого, туку е повик на обединување на сите кои ги споделуваат неговите визии за Струга. Најави транспарентност и правда за сите, одржлив развој и инвестиции во сите области, чесно претставување и отворен дијалог со секој граѓанин.

StrugaOnline