Со мурал посветен на Григор Прличев, Општина Охрид започна со реализација на проектот „Да ги овековечиме вредностите“.
Целта на проектот е сликање мурали на истакнати охридски дејци, кои оставиле трага во охридската и македонската меморија.
-Согласно предвидениот буџет, проектот започна со цртање на ликот на Григор С. Прличев – симболот на македонската гордост, истрајност и непокор, поетот кој со своите вонвременски дела Сердарот и Скендербег ја извиши Македонија во врвот на светската литературра, покажувајќи и докажувајќи дека за пишаниот збор нема граници-информираат од Општина Охрид.
Муралот е нацртан на западниот ѕид на НУ Библиотека Григор Прличев во непосредна близина на НУЦК Григор Прличев – двете институции кои го носат неговото име.
Муралот е дело на академскиот уметник Горан Ристоски.
Strugaonline
фото: Општина Охрид
Facebook Коментари