Музички настан по повод проектот „Декада на припадност – Славење на различностите“ денеска во Струга

Денеска со почеток во 12 часот во центарот на Струга ќе се одржи музички хепенинг. Настанот се случува по повод проектот „Декада на припадност – Славење на различностите“.  Проектот цели кон подобрување на  меѓуетничките односи во југозападниот регион преку зајакнување на соработката меѓу граѓанските организации, јавниот и приватниот сектор.  Сите планирани активности се организирани од страна  на граѓанската организација „Креативни и активни“, во соработка со Локалната агенција за развој на Струга.