На 1 јули во Вевчани ќе се одржи Фестивал на „Зурлата и Тапанот“ Вевчани 2026
Во организација на Здружение на Зурли и тапани Вевчани, на 1 јули 2026 година во амфитеатарот во Вевчани ќе се одржи Фестивалот на „Зурлата и Тапанот“ Вевчани 2026, манифестација посветена на зачувувањето и промоцијата на македонската музичка традиција.
Посетителите ќе имаат можност да уживаат во настапите на повеќе познати состави и мајстори на зурлата и тапанот, кои со својата музика ќе ја претстават богатата фолклорна традиција од различни делови на државата.
На фестивалот ќе настапат:
- Група В’Јаз Вевчани
- Зурли и тапани „Мелос“ Вевчани
- Зурли и тапани „Златник“ Скопје
- Зурли и тапани „Медник“
- Зурлаџиска група „Ќиска“ Вевчани
- Зурли и тапани „Мајовци“ Дебар
- Зурли и тапани „Ќустек“ Скопје
- Џељо и зурли и тапани „Дестановски“ Скопје.
Организаторите најавуваат богата музичка програма и вистински празник за љубителите на изворната македонска музика.
„Влезот е бесплатен. Ви ветуваме незаборавно доживување, вечер исполнета со емоции кои ќе ви ги пренесат нашите колеги преку ритамот на тапаните и пискотот на зурлите“, порачуваат од Здружението на Зурли и тапани Вевчани.
Фестивалот ќе започне во амфитеатарот во Вевчани и се очекува да привлече бројни посетители кои ќе имаат можност да уживаат во автентичните звуци на еден од најпрепознатливите симболи на македонската народна традиција.
StrugaOnline
