Струшкиот поет Петко Шипинкаровски е добитник на Висока награда и диплома од прв степен за песните „Езеро“, „Мочуриште“ и „Плагијат“, како и наградата „Јубилејна грамота“ за дебитантско учество, на десеттиот Меѓународен славјански конкурс за преводи во поезијата (2016, 2017) што го распиша еден од најголемите руски портали стихи ру – Москва, организиран од руската поетеса Олга Малцева Арзиани.
Шипинкаровски беше меѓу големиот број поети од Русија, Бугарија, Украина, Белорусија и Канада, номинирани од Меѓународното жири во состав Владимир Манчев, претседател и Евгенија Георгиева (Бугарија), Соловевна Валентина Василевна, Елена Арзиани и Олга Малцева Арзиани од Русија.
За овој голем поетски меѓународен натпревар, циклус од дваесеттина песни се преведени од Вања Ангелова (Бугарија) на бугарски јазик и од Олга Борисова (Русија) на руски јазик, а песни на рускиот поет Александар Књазев (Русија) се преведени од руски на македонски јазик од Шипинкаровски.
На овој голем меѓународен поетски натпревар наградени се и поетите Христо Петрески и Весна Мундишевска Велјановска
Песните на македонските поети Шипинкаровски, Петрески и Мундишевска Велјановска ќе бидат публикувани во збирно издание, алманах.
Facebook Коментари