Одлични резултати на општинскиот натпревар по математика за учениците од ООУ „Јосип Броз Тито“ Струга

Учениците од ООУ „Јосип Броз Тито“ Струга постигнаа исклучителен успех на општинскиот натпревар по математика за основното образование, кој се одржа на 30 јануари 2026 година. Со освоени награди и пофалници, младите математичари уште еднаш го потврдија квалитетот на наставата и посветеноста на учениците и нивните ментори.

На натпреварот беа постигнати следните резултати:

Прва награда освоија Доротеј Домазетоски и Ангел Пејчиноски, кои се истакнаа со одлични решенија и високи поени.

Втора награда добија Софија Симиџиоска, Бисера Ѓорѓеска и Михаела Милеска, покажувајќи завидно знаење и логичко размислување.

Трета награда освоија Ристе Ќушкоски и Михаил Латовски, додека со пофалници беа наградени Кристијан Наумоски, Викторија Мачевска и Лука Јовановиќ.

Зад овие резултати стои и посветената работа на менторите: Снежана Миловановиќ, Кристина Цветаноска, Елена Ѓонеска, Марина Нестороска, Наташа Влаќеска и Симона Наумоска, кои со својата стручност и поддршка значајно придонесоа за успехот на учениците.

Од училиштето упатија честитки до сите учесници и ментори за постигнатите резултати и успешното претставување, истакнувајќи дека ваквите натпревари се силен мотив за понатамошно развивање на љубовта кон математиката и знаењето кај учениците.

StrugaOnline