Од Охрид СОС излегоа со апел до надлежните институции за решавање на проблемот со палењето отпад и неподнослива миризба во Струга.
Апелот ви го пренесуваме во целост:Споделуваме апел до надлежните институции и јавноста од страна на локално население. Оваа информација не ја споделуваат нити локалната самоуправа, нити медиумите, нити пак потенцијалните кандидати за градоначалници на Струга во своите објави и соопштенија за јавност.
„Веќе повеќе од 10-15 дена, СЕКОЕ ПОПЛАДНЕ, на патот од Струга кон Калишта, од десната страна, некој редовно пали отпад што шири неподнослива миризба.
Станува збор за ужасен чад и смрдеа што личи на горење на канцерогени материјали, а огнот и чадот тлеат дури до утринските часови. Ова не е само еколошки, туку и сериозен здравствен проблем! Се труеме буквално во сопствениот дом!“
Слични реакции добивме и од жители на Охрид, кои секоја година го имаат истиот проблем, споделуваат, реагираат до нас или до институциите, на кои постојано им ги посочуваме проблемите, но се чини како да одбираат да одат спротивно на своите ингеренции.
„Секое утро се чувствува мирис на чад кој доаѓа од депонијата Буково. Во последниве години имаме зголемени канцерогени заболувања а никој не реагира за овие ПМ честички кои сите ги дишеме.“
Ниеден кандидат во своите предизборни програми нема конкретни предлози и план за акција за затворање на овие диви ѓубришта и нестандардни депонии. Нити откако ќе ја добијат функцијата не преземаат ништо конкретно за да им помогнат на жителите на своите општини кои се соочуваат со овие проблеми.
StrugaOnline
Facebook Коментари