Охридското Езеро без промени, Црн Дрим со пад на водостојот

Според дневната хидролошка информација за 17 февруари 2026 година, која ги опфаќа реките и природните езера во државата, регистрирани се различни тенденции на пораст, намалување и стагнација на водостоите во однос на претходниот ден, како и проекции за наредниот период.

Нивото на Охридското Езеро денеска изнесува 693,59 метри, што претставува непроменета состојба во однос на претходниот ден. Вредноста е практично идентична со февруарскиот просек (693,39 – 693,83), што укажува на стабилизација на езерскиот водостој во овој период од годината.

Хидролозите оценуваат дека моменталната состојба е во рамки на повеќегодишните просечни вредности, без значајни осцилации.

За разлика од езерото, кај Црн Дрим е регистрирано намалување на нивото. На мерната станица Ложани водостојот изнесува 189 сантиметри, што е пад во однос на вчерашните 218 сантиметри.

И покрај ова намалување, нивото на реката и понатаму е значително над просекот за февруари, кој изнесува 112 сантиметри.

Извор: УХМР, фото: архива

StrugaOnline