Општина Струга планира да потроши 7,5 милиони денари или околу 130 илјади евра за реализација на програмата за туризам за оваа година. Предвидени се високи суми на пари за одредени ставки.- објави Алсат М
Само за нова стратегија за развој на туризмот 400 илјади денари, за подготовка, обработка и печатење на промотивни туристички материјали 700 илјади денари, додека за веб-страница за туризам 200 илјади денари.
За рекламирање на интернет ќе се потрошат 600 илјади денари, за андроид–смарт апликации за туризам 300 илјади, а за изработка и поставување на туристичка сигнализација 500 илјади. За ова реагираа некои од опозициските партии.
„Ние како советничка група имавме забелешка за оваа програма. Сметаме дека тоа се високи средства и затоа имаме многу двоумења за неа. Има некои ставки кои не се реални и се големи и по нивната вредност“, рече Имер Имери- Алијанса на Албанците.
Допополнителено за субвенционирање на физички лица кои даваат угостителски услуги и за туристички водичи ќе се потрошат 800 илјади денари.
„Многу би сакала средствата кои се предвидени навистина да се реализираат, а не само да се објавуваат некои средства кои во стварност не се реализираат“, вели Теута Зиба Џеладини- туристички работник.
Вака високите суми на пари кои локалата власт сака да ги потроши за одредени програми во туризмот не се реални, сметаат од ВМРО-ДПМНЕ.
Од ова апартија потсетувата дека Струга се соочува со далеку поприоритетни прашања на кои граѓаните чекаат финансиско решение. Од општина Струга не успеавме да добиевме одговор дали и кога ќе почне програмата да се спроведува.
Извор : Алсат М
фото: архива
Facebook Коментари