Општина Струга ќе се претстави на меѓународниот саем „Tourism Fair Albania 2026“ во Тирана

Општина Струга ќе биде дел од меѓународниот саем за туризам „Tourism Fair Albania 2026“, кој ќе се одржи на 11 и 12 февруари 2026 година во Тирана, Република Албанија. Настапот на саемот претставува значајна можност за промоција на туристичките потенцијали, производите и услугите со кои располага општината.

Преку заедничкиот штанд, Општина Струга ќе ја претстави својата туристичка понуда пред регионална и меѓународна публика, со цел зголемување на видливоста на дестинацијата и воспоставување нови соработки во туристичкиот сектор.

Во таа насока, Општината упатува јавен повик до туристичките субјекти, угостителите и сите засегнати страни да се вклучат во саемската презентација, преку:

• директно учество и презентирање на сопствената понуда на саемот,

• доставување промотивни материјали кои ќе бидат изложени на штандот на Општина Струга.

Саемот ќе ги обедини туристичките компании, институции и посетители од регионот, нудејќи простор за размена на искуства, воспоставување деловни контакти и проширување на пазарот.

Рок за доставување на промотивни материјали е до 10 февруари 2026 година, во просториите на Општина Струга – Одделение за туризам.

За дополнителни информации и координација, заинтересираните можат да се обратат до Одделението за туризам при Општина Струга.

StrugaOnline