Oпштина Струга нема да троши пари за новогодишно украсување, ќе има скромна декорација на градот
На седница на Совет се изгласа дека Општина Струга нема да употреби финансиски средства од сопствениот буџет околу предновогодишното украсување на градот како и за дочекот на новогодишната ноќ.
,,Декорација на градот ќе се изврши во централното градско подрачје, скромно и ќе биде изведено од ЈП Комунално, Струга. Ваквата одлука е донесена со оглед на кризната состојба во енергетскиот сектор. Тие средства ќе бидат пренаменети за потребите на јавните претпријатија кои се во интерес на граѓаните.“ – информираат од Општина Струга.
Забавата за деца како и секоја година ќе продолжи со прошетка на Дедо Мраз низ градот.
Oваа година ќе се поделат награди и подароци, доделување на штедна книшка во износ од 15.000 денари за три прво-роденчиња во Општина Струга.
Strugaonline
фото: архива
