За утре во Струга е најавен протестен марш по повод трагедијата во Кочани, организаторите кои се струшки средношколци повикуваат утрешниот протест во Струга да биде мирен и достоинствен:
-Ве повикуваме сите учесници на маршот, закажан во среда во 12 часот, да се придржувате до принципите на мирен и достоинствен протест. Oвoj марш не е само глас против корупцијата, туку и оддавање почит кон жртвите од Кочани. Нашата цел е заедно да испратиме силна порака – дека неправдата, корупцијата и загубата на невини животи не смеат да бидат игнорирани. Ве молиме да останеме смирени, да не подлегнуваме на провокации и да го изразиме нашиот револт на цивилизиран начин, со почит кон сите присутни и кон јавниот ред. Само преку единство и мирен пристап можеме да бараме правда и промени. Ви благодариме за поддршката и свесноста, соопштија група средношколци организатори на овој протест.Исто така додаваат, присутните да се придржуваат до следните принципи:
– Мирен и достоинствен протест без провокации,
– Почитување на сите учесници и минувачи,
– На хамерите и транспарентите да нема партиски симболи, слогани или пораки поврзани со политички партии.
Наша сила е единството и заедничкиот глас – да го искористиме на најдобар можен начин.
Протестниот марш ќе започне во 12 часот пред Домот за Култура „Браќа Миладиновци“ во Струга, ќе се оди преку чаршија па да заврши во паркот на поезијата.
StrugaOnline
Facebook Коментари