Организаторот на СФ „Илинден“ со препораки за натпреварувачите и публиката

- 01/08/2025
- Локални
82

Организаторот на Спортскиот фестивал „Илинден“ излегоа со препораки за натпреварувачите и публиката, истите ви ги пренесуваме во целост:

Препораки за учесници:

Заради ваша лична безбедност и безбедност на останатите натпреварувачи Ве молиме да се придржувате кон следниве препораки:

  1. Влегувајте во вода постепено. Разладете го организмот претходно. Приспособувањето на телото кон температурната разлика е исклучително важно.
  2. Распливајте сѐ и развеслајте сѐ пред трка. Навикнете го организмот за нешто повисок интензитет на пливање и веслање.
  3. Внимавајте на безбедноста при скокот. Бидете свесни за висината и позицијата на која се наоѓате.
  4. Заштитете сѐ од директно изложување на сонце пред трка/натпревар. Со оглед на високите температури препорачуваме да носите светла облека, заштита за очи и глава, заштитна крема со висок УВ фактор. Хидрирајте сѐ со вода и безалкохолни пијалоци.
  5. ИЗРЕЧНО СОВЕТУВАМЕ ДА НЕ КОНЗУМИРАТЕ АЛКОХОЛ ПРЕД И ЗА ВРЕМЕ НА ТРКИТЕ ОДНОСНО СКОКОВИТЕ.
  6. По завршување на трката не го напуштајте Дримот веднаш. Издишувајте во вода до комплетно смирување на организмот.
  7. Пливајте, веслајте и скокајте согласно физичките можности.
  8. Почитувајте го противникот и другите присутни во реката и на кејот.
  9. Следете ги постојано насоките од организаторот.

Препораки за публика:

  1. Бодрете го секој натпреварувач со аплауз и покажете почит кон него независно од неговата физичка подготвеност.
  2. ДАЈТЕ ИМ ПРОСТОР НА НАТПРЕВАРУВАЧИТЕ ЗА ПОДГОТОВКА. ВЕ МОЛИМЕ ДА НЕ СКОКАТЕ ВО ЗОНАТА НА ТРКА И ДА НЕ ГО ПОПРЕЧУВАТЕ ПАТОТ НА НАТПРЕВАРУВАЊЕТО.
  3. Имајте предвид дека тие учествуваат за забава, задоволство и личен и општ добробит.
  4. Пораки со недолична содржина се апсолутно неприфатливи.
  5. Пораки со политичка содржина се исто така апсолутно неприфатливи.
  6. Одржувајте ја чиста непосредната околина и одложувајте го отпадот на местата означени за тоа.
  7. Со оглед на високите температури препорачуваме да носите светла облека, заштита за очи и глава, заштитна крема со висок УВ фактор. ХИДРИРАЈТЕ СЀ СО ВОДА И БЕЗАЛКОХОЛНИ ПИЈАЛОЦИ. ГРИЖЕТЕ СЕ ЗА ВОЗРАСНИТЕ И ДЕЦАТА МЕЃУ ВАС.
  8. Чувајте ја инфраструктурата на фестивалот (стазите, кајаците, пиедесталот…)
  9. СЛЕДЕТЕ ГИ ПОСТОЈАНО НАСОКИТЕ ОД ОРГАНИЗАТОРОТ.

StrugaOnline

Facebook Коментари