Оваа година во Струга продолжуваат традиционалните Бадникови поворки

После пауза од две години поради пандемијата, оваа година во Струга продолжуваат традиционалните Бадникови поворки.

,,Бадниковата поворка ќе се одржи на 6-ти јануари. Ги замолуваме сите дечиња да дојдат во што поголем број. Во недела, на 18-ти декември во 11:00 часот во храмот Свети Ѓорги да дојдат сите дечиња кои сакаат да бидат дел од поворката, за да ја одржиме првата проба за пеење на песничката ,,Вечниот Бог“- изјави Лидија Николовска, организатор на Бадниковите поворки во Струга.

Како и претходните години, така и оваа , во дворот на црквата после поворката ќе има закуска и секое дете ќе добие новогодишно пакетче.

,,За да имаме точна бројка за пакетчиња ги замолуваме родителите да ги пријават своите деца за учество и да ги донесат на пробата. Очекуваме голем интерес за учество, а со самото тоа ќе има потреба од голема бројка на пакетчиња. Во време на еконоска криза не е лесно да се најдат донации, затоа апелирам до сопствениците на бизниси да го поддржат ова благочестиво дело.,,-додава Николовска.

За повеќе информации можете да се обратите на следниве телефонски броеви:

070 322 104 Лидија и 078 729 931 Мими

-Вашите срца нека постанат Витлеемски пештери во кои ќе се роди Богомладенецот Христос. –  е пораката на Лидија за сите верници.

Strugaonline

фото: архива