Возљубени во Христа, со голема радост ве известуваме дека Неговата светост Патријархот Српски Порфириј, ќе биде во дводневна посета на светињите во Струга и Охрид. Ова е негова прва поклоничка посета во Македонија и е токму во нашата Дебарско – кичевска епархија. Патријархот ќе биде пречекан со свечена доксологија утре (понеделник) во 18:30 часот, во ставропигијалниот манастир Рождество Богородично во Калишта, од страна на Неговото Блаженство Архиепископот Охридски и Македонски г.г. Стефан и нашиот митрополит г. Тимотеј, како и повеќе архиереи од двете помесни Цркви. Ве покануваме сите на овој торжествен и редок настан за нас! Следниот ден Патријархот, во придружба со домаќинот архиереј г. Тимотеј, ќе ги посети поголемите светињи низ Охрид.
Извор: Соборен храм „Св. Ѓорѓи“ – Струга
Facebook Коментари