Популарната приказна за „Човекот-делфин“ во режија на Лефтерис Чаритос ќе може да ја погледне и публиката во Струга. Проекцијата е закажана за утре со почеток во 20:00 часот во Спомен куќа „Браќа Миладиновци“, а цената на билетите изнесува 100 денари.
Ова е воодушевувачката приказна за легендарниот Жак Мајол, кој во 1976 година прв ќе ја достигне длабочината од 100 метри со слободно нуркање. Ретки архивски исечоци и неверојатни современи подводни снимки ни го доближуваат животот на човекот-делфин, кој е главната инспирација и за „Големото синило“ на Лик Бесон.
„ Во секој од нас спие по еден делфин“, вели човекот кој ги помести границите на човечкото тело и ум, но не заради рекордите, ами заради слободата што се раѓа во длабокото, каде што синото повеќе не е сино, каде што небото и чувствата стануваат сеќавања, каде што тишината е потполна, а времето не постои.
Strugaonline
Facebook Коментари