За сите љубители на театарот и квалитетните претстави, во сабота со почеток во 20:00 часот на малата сцена при Центарот за култура „Григор Прличев“ Охридскиот народен театар ќе ја изведе популарната претстава „Аналфабет“. Претставата е работена според текст на Бранислав Нушиќ, а во режија на Ѓорѓи Ризески. Содржината одлично ја доловуваат актерите: Горан Стојаноски, Никола Тодороски, Стрезо Стаматовски и Елизабета Стефановска.
„Аналфабет“ освен на Охридска сцена, беше изведена и на Интернационалниот театарски фестивал „Јоаким Осоговски“ во Крива Паланка, Охридскиот театар со неа учествуваше на на Македонскиот театарски фестивал „Војдан Чернодрински“ во Прилеп, а токму целокупниот квалитет на претставата ја донесе и наградата Гран При за најдобра претстава на четврото издание на Интернационалниот фестивал на комедијата „Гола Месечина“ што се одржа во Скопје, во организација на Театар „Комедија“.
Strugaonline
Facebook Коментари