Претставата „Види, летам!“ во режија на Ивана Ангеловска на Вондрленд Театар од Скопје вечерва ќе се игра во Охрид, на малата сцена на Народниот театар.
„Види, летам!“ по текст на Ана Трпеноска е претстава која е правена по вистински приказни на лица бегалци, баратели на азил и лица без државјанство.
-Овие луѓе на посебни работилници водени од тимот на претставата, храбро ги споделија своите животни искуства со актерите, авторот и режисерот.-информираат од овој скопски театар.
Поддржана во рамки на партнерството на Младинскиот образовен форум (МОФ) и УНХЦР, Агенцијата на ОН за бегалци, „Види, летам“ на Вондерленд Театар се обидува да ја поттикне емпатијата со бегалците и лицата без државјанство. Со доближување на овие важни човечки приказни, продукцијата има за цел да поттикне подлабоко разбирање и поврзување во нашата заедница.
Играат актерите Сара Спиркоска, Никола Настоски, Исмет Шабановиќ, Ана Димитрова и
Леонардо Лазов.
Леонардо Лазов.
Претставата ќе биде одиграна со почеток во 20:00 часот. Влезот е слободен.
Strugaonline
Facebook Коментари