„Првин ќе ме земеш, после ќе ме“ , ќе се игра и во Струга

На 27 мај во Центарот за култура „Браќа Миладиновци“ во Струга ќе биде одиграна театарската претстава „Првин ќе ме земеш, после ќе ме“ во режија на Ѓорѓи Ризески. Во претставата се раскажува приказната на Џота и Кети – ликовите кои се пријавени да учествуваат во реалното шоу „Осакатени души“  и двајцата се во поодминати години кога станува збор за стапување во брак, и двајцата ce со различни животни приказни  кои оставиле болни траги врз нивните животи.
Тој – маж со неуспешен брак зад себе, решен  никогаш повеќе да не се жени и на оваа средба гледа само како на едновечерна авантура.
Таа – девојка која заради својот биолошки часовник е во потрага на идеалниот сопруг и е нетрпелива да роди дете.

Во претставата играат: Роберт Ристов, Мирјана Ристов и Дарко Вељиќ, костимите ги изработи Елена Лука, а сценографијата е на Роберт Ристов.