Раиф Мирселоски е нов претседател на Месна заедница Октиси

Во организација на одделението за соработка со Месни заедници при Општина Струга, со масовен одзив на граѓаните на Октиси избран е нов претседател и Совет на Месна заедница во село Октиси. Во наредните четири години, со месната заедница ќе раководи Г-дин Раиф Мирселоски -информираат од Одделението за соработка на месни заедници при Општина Струга.

Со присуство на голем број граѓани, присутните граѓани за нови членови на Советот на Месната заедница во с. Октиси ги изгласаа: Адем Цаноски, Амзо Салоски, Сабахудин Дервисоски, Есад Калциноски и Раиф Мирселоски.

Членовите на советот едногласно го изгласаа Раиф Мирселоски за нов претседател на Месната заедница, Амзо Салоски за секретар и Сабахудин Дервишоски за благајник на Месната заедница во с. Октиси.

StrugaOnline