Распоред на Богослужби за Божикното празнување во црквата Свети Георгиј во Струга

Утре започнуваат Богослужбите за Божикното празнување во црквата Свети Георгиј во Струга. Во недела (5-ти јануари) на празникот Свети Наум Охридски, во 07:00 ќе започне Утрена Богослужба, а еден час подоцна ќе следува Божествена литургија. Утрото во понеделник, на Бадник , во 05 и 30 часот Утрена со Царски Часови, а потоа ќе следува Божествена литургија. Во 10 и 30 часот Бадниковата поворка ќе тргне од храмот, а во 15:00 часот ќе се одржи Вечерна Божикна Богослужба. Во вторник, 7-ми јануари, по повод Рожденството Христово Божик, во 07:00 часот ќе се одржи Утрена Богослужба, а еден час подоцна Света Божествена Литургија. Причестувањето ќе се врши од 09:00  до 10 :00 часот.

Во среда, 8-ми јануари, втор ден Божик Богослужбата ќе започне во 07:00 часот, а во 08:00 часот ќе има Божикна Литургија. Во четврток, 9-ти јануари, се празнува трет ден Божик и празникот Свети Стефан. По тој повод, во 08:30 часот, во храмот ќе биде дочекан Архиерејот. Петнаесет минути подоцна ќе започне Света Архиерејска Литургија со која ќе чиноначалствува Неговото Високопреосвештенство Митрополит Тимотеј.

Strugaonline