Реприза на претставата ,,Крик за љубов“ во сабота во Охрид

Поради зголемениот интерес,  Народен театар-Охрид  најавува реприза на новата премиера „КРИК ЗА ЉУБОВ“ од Жозиен Баласко во режија Љупчо Ѓоргиевски. Претставата ќе се игра во сабота 19.06.2021 година со почеток 20:00 часот во големата сала при ,,Центар за култура ,,Григор Прличев“ во Охрид.

-„Крик за љубов“ е „комедија на карактери“ натопена во љубовна приказна со романтичен крај. Текстот обработува две доминантни теми – театарот и љубовта. Имено, двајца актери, поранешни сопружници, ангажирани се во претстава да играат ликови на исто така двајца поранешни сопружници. Накратко, тоа е претстава за она што се случува пред претставата, односно за време на процесот на припрема на една претстава, од распределбата на улогите, преку првата проба, до костимската проба и самата премиера. Имено, се врши едно прецизно скенирање на типичните ситуации и карактери вот еатарот, како штосе: актерите, режисерот, продуцентот и другиот помошен персонал во процесот нас оздавање на една претстава. Притоа се навлегува во суштината на феноменот наречен ТЕАТАР, т.е. колку театарот е живот, а колку, пак, животот е театар, постои ли граница помеѓу нив и како тие се испреплетуваат и преливаат еден во друг. На крај, се разбира, доаѓаме до чудотворното дејство на театарот врз реалниот живот. изјавил за Оhridnews режисерот  Љупчо Ѓоргиевски .