По повод 20-ти мај, Денот на пожарникарите, ТППЕ Струга во 10:30 часот ќе дефилира низ струшките улици со три возила, со звучна и светлосна сигнализација.
,,Територијалната противпожарна единица од Струга денеска достојно ќе го одбележи денот на пожарникарите. Освен дефилето што ќе се одржи денеска низ струшките улици, во наредниот период ќе одржиме и вежба за евакуација на луѓе во случај на пожар“-изјави за Strugaonline, Фети Мазари, командир во ТППЕ Струга.
Toj додаде дека струшката пожарна располага со доволен број пожарникари и соодветна опрема, а во исчекување се да добијат две нови возила за шумски пожари, како и тековна заштитна опрема.
ТППЕ Струга моментално располага со пет противпожарни возила и триесет и седум пожарникари.
По повод денешниот 20-ти мај, градоначалникот на Струга, Рамис Мерко изрази благодарност и почит за континуираната работата и посветеноста на пожарникарите, кои, како што вели, честопати ги стават своите животи во опасност за безбедноста на граѓаните.
Strugaonline
Facebook Коментари