Балетското студио ,, БАХ“ освои пет награди на државниот online натпревар ,,Christmas dance competition“ што се одржа во организација на студио ,,Анабела“ од Велес. Во конкуренција од седумнаесет студија за танц од цела Македонија и деведесет и една кореографија, Балетското студио ,,БАХ“ учествуваше со пет кореографии и освои исто толку награди, односно три први и две втори места.
Со кореографија ,,Befor you go“ solo junior open-прво место, кореографија “Alone” solo junior -второ место, koreografija ,,Rhinestones”duo junior open-второ место, кореографија ,,Bye Bye” formation children open-прво место и кореографија “Sail” formation open junior-прво место.
,,И покрај пандемијата, со почитување на сите мерки за заштита од вирусот ковид 19, Балетското студио ,,БАХ“ заокружува една навистина успешна година. Заедно со моите деца, нивните родители, директорката на ЦК ,,Браќа Миладиновци“ Струга, моите колеги-сите заедно сплотени успеавме да се избориме и во вакви услови да живее танцот. Освен петте награди на овој натпревар, годинава донесовме ,,Светлина“ на сцената, одржавме семинари со моите драги Тамара Аrt Balet Скопје и Илија Eat the beat dance studio од Скопје. Имавме оригинални фотосесии со нашата Кики, видеа со Гоце, спектакуларно отварање и затварање на овогодинешните ,,Струшки вечери на поезијата“. Годинава блеснавме на Интернационалниот виртуелен натпревар STAGE каде се закитивме со први места. “-вели за Strugaonline Тања, кореограф и идеен творец на Балетското студио ,,БАХ“.
Баховхи и следната година продолжуваат да го негуваат танцот како своја култура на живеење и творење, со нови креативни проекти.
Strugaonline
Facebook Коментари