Вечерва со почеток во 21:00 часот во катедралната црква „Света Софија“ во рамките на фестивалот „Охридско лето“ ќе настапи „The Queen’s Six“ акапела секстет
Членовите на секстетот „The Queen’s Six“ се дел од професионалните пејачи, наречени Lay Clerks на капелата „St. George“, кои живеат и работат во дворецот „Виндзор“ во Велика Британија. За да се биде член на еден ваков колектив потребни се високи музички стандарди, бидејќи тие се оние кои редовно настапуваат за Кралското семејство. Членовите на „The Queen’s Six“ се извонредни музичари кои што често може да ги сретнеме и во други значајни вокални ансамбли од светот, како „The Sixteen“, „The Tallis Scholars“ и „Tenebrae“. Репертоарот кој го изведуваат е прилично разновиден, а тука покрај делата од раната музичка историја спаѓаат и дела од народната музика, како и аранжмани на дела од поп и џез музиката. Досега имаат издадено повеќе компакт дискови, кои се одлично прифатени од слушателите.
На програмата се следниве дела: Вилијам Бирд: O Lord, make thy servant Elizabeth our Queen; Томас Морли: Arise, awake; Хернандо Франко: Christus factus est; Вилијам Бирд: Ye sacred muses; Мигуел Даљо и Лана: Laudate Dominum; Филип Мур: O clap your hands*; Нико Махли: God will be their light*; Традиционална американска песна : The Dying Soldier (аранж. Мак Вилберг/ Нигел Шорт); Духовна традиционална песна: Didn’t my Lord deliver Daniel (аранж. Пол Харт )
Strugaonline
фото: ohridskoleto.com.mk
Facebook Коментари