Започната во април во Приштина, а потоа претставена во Белград, Подгорица, Скопје, Тирана и Маглај, фото-изложбата „Три, четири, сега! Европа е наша!“ на WeBalkans сега пристигнува и во Струга. По Скопје, Струга станува вториот град во Северна Македонија кој ќе ја угости изложбата. Europe House во Струга ќе ги отвори своите врати за 18 исклучителни фотографии, избрани од вкупно 183 пријави, кои прикажуваат спорт и луѓе од целиот Западен Балкан.
Со силен одѕив на посетители, млади спортисти, Млади европски амбасадори и граѓани од целиот регион, „Три, четири, сега! Европа е наша“ јасно покажа дека спортот и младинскиот активизам се она што нè поврзува сите на Западен Балкан.
Изложбата свечено ќе ја отвори Дона Срдиќ Лазаревска, менаџер на настани, WeBalkans.
Иван Дургутов, координатор за партнерства и мрежи, WeBalkans, ќе ја претстави иницијативата WeBalkans и кампањата „Три, четири, сега! Европа е наша“.
Специјални гости ќе бидат Илирјан Асани, бодибилдер и двократен национален шампион во Men’s Physique (2023 и 2024), и Ердал Лусо, морепловец од Северна Македонија кој се подготвува да го премине Атлантскиот Океан. Тие ќе ги споделат своите размислувања за тоа како спортот ги поврзува младите и создава трајни врски.
Златка Кувенџиевска, членка на мрежата Млади европски амбасадори, ќе раскаже приказни кои ја истакнуваат важноста на младинското учество, креативноста и заедничките европски вредности. На настанот ќе се обрати и Илина Пулејкова, победничка фотографка од Северна Македонија, чија фотографија е дел од изложбата.
Изложбата „Три, четири, сега! Европа е наша“ ќе се одржи утре, вторник, 19 август 2025, во 11:00 часот, во просториите на Europe House Struga.
StrugaOnline
Facebook Коментари