Струшкиот музеј „Доктор Никола Незлобински“ успешно ја заврши 2016 година, а до Министерството за култура доставиле амбициозна програма за работа и за оваа година, информира директорот Милован Шутиноски.
Покрај реализираните проекти од Националната програма на Министерството, според него, реализирани се и други проекти, меѓу кои промоција на сите поставки, а Музејот бил и дел од вмрежувањето на национално и интернационално ниво.
Најчести посетители на Музејот се екскурзијантите, но, како што забележа директорот, во последно време е во надолна фаза. За враќање на учениците информира дека е изработена стратегија со која ќе ги привлечат повторно да го посетуваат Музејот како институција која ги нуди вредностите карактеристични за овој дел.
Во последно време, нагласи, се почести гости се странските туристи, за кои заедно со туристичките агенции изработуваат програма со која ќе ги привлечат во поголем број.
Facebook Коментари