Утре низ струшките улици ќе се одржи велосипедскиот настан „Critical Mass Struga“

Утре, без формална организација, низ струшките улици ќе се одржи велосипедскиот настан „Critical Mass Struga“.

Граѓаните со велосипеди ќе тргнат од Градскиот плоштад во Струга во 17:00 часот и ќе возат низ улиците „Туристичка“, „Маркс и Енгелс“, „Партизанска“, „Кеј Борис Кидрич“, „15-ти Корпус“, „Владо Малески“, „Пролетерска бригада“ и „Боро Хаџиески“, во вкупна должина од пет километри.

Целта на активноста „Critical Mass“ е подигање на свеста кај возачите на моторни возила, зголемување на желбата кај граѓаните за повеќе користење на велосипедот како превозно средство.

Critical Mass се одржува во сите светски метрополи, секој последен петок во месецот и истиот е без официјална организација.

StrugaOnline