Утре во Струга ќе се одржи традиционалната Ѓурѓовденската литија

- 06/05/2022
- Локални
931

Утре во Струга ќе се одржи традиционалната Ѓурѓовденска литија.

 Во храмот на Светиот Великомаченик Георгиј  со почеток во 16:00 часот, ќе биде отслужена празнична вечерна богослужба, на која ќе чиноначалствува Неговото Високопреосвештенство митрополит Дебарско-кичевски г. Тимотеј.

После завршувањето на вечерната и панихидата, од 17:00 часот следи свечената Еордија (литија) со светите мошти на Великомаченикот и неговата чудотворна икона. Чесните мошти ќе бидат изложени во храмот за поклонение пред да започне вечерната боголужба сѐ до започнувањето на Еордијата.

– Ве покануваме да бидете гости на нашата манастирска слава, како и да земете учество во древната струшка литија, која пред неколку години беше обновена и збогатена со присуството на моштите на Св. Георгиј од манастирот во Рајчица. Дојдете, почувствувајте ја радоста и благодатта на овие торжествени настани и примете го благословот на славниот Победоносец Георгиј, велат од Бигорскиот манастир.

Според најавената програма, на крај на Струшката Еордија во дворот на  храмот „Св. Георгиј “ ќе следи културно-уметнички настан со настап  на ансамблот „Македонија“.

Facebook Коментари