Вечерва во Драслајца хуманитарен концерт за Мартин!

Вечерва во село Драслајца ќе се одржи хуманитарен концерт „Со срце за Мартин“.

„Хуманитарниот концерт се организира со цел да му покажеме дека во борбата не е сам и да се потрудиме да му помогнеме повторно да застане на нозе. Заедно можеме се’ зашто неговата младост и ведрина тоа го заслужува.“ – велат организаторите.

Концертот ќе се одржи на полигонот во Драслајца со почеток во 19:00 часот, а од срце за Мартин ќе настапат: Група Зарина, Стил Бенд, Романтик Бенд, Антонио Пејоски, Рефреш бенд, Дамјан Стојаноски, Спасен Силјаноски, Влатко Миладиноски, Спасе Матлиоски, Ангел Стојкоски и Ристе Ристески.

Бидете хумани, сите заедно да обезбедиме средства за Мартин да замине на лекување во Русија и од таму да добиеме убави вести!

Strugaonline