Во центарот на Вевчани ќе се гради детско игралиште
Тимот на Општина Вевчани започна со уредување на просторот во центарот на Вевчани. Тука ќе се гради детско игралиште.
-Местото досега беше ругло и депонија, претставуваше опасност за најмладите кои се движеа на овој простор. За кратко време, тука ќе никне детско игралиште со урбана опрема каде најмладите вевчанчиња ќе се дружат и забавуваат.- вели градоначалникот Сашо Јанкоски.
Во свое лично име и во име на Општина Вевчани, Јанкоски изрази благодорност до Отец Зоран Попоски и МПЦ бидејќи од нив добил дозвола за реализација на оваа идеја, бидејќи конкретната парцела е во нивна сопственост.
Активностите на терен ги изведува ЈП ,,Еремија“ Вевчани.
Strugaonline
