Во четврток во Охрид хуманитарна забава за лицата со ретки болести
Волонтерите од Клуб на млади при охридскиот Црвен крст во соработка со младинската заедница од СОСУ ,,Св. Кирил и Методиј” поддржани од Здружението за ретки болести активно се вклучуваат и во овогодишната кампања за поддршка налицата со ретки болести.
-За да се соберат финасиски средства за поддршка на лицата со ретки болести, ве покануваме на хуманитарна забава која ја организираат младите со музички таленти од нашите средни училишта-велат организаторите .
Забавата ќе се одржи во четврток, 29-ти февруари во кафе бар ,,Шила“ со почеток во 20:00 часот. Влезница чини 100 денари.
Доколку некој сака се пријави за настапување со група, може да се пријави преку порака на Facebook страницата на Црвен крст-Охрид.
Strugaonline
