Во ООУ „Св. Климент Охридски“ – Драслајца успешно изведена претставата „Шумската Принцеза“

ООУ „Св. Климент Охридски“ – Драслајца беше домаќин на театарската претстава „Шумската принцеза“, во изведба на Театар Хит – Скопје.

-Претставата нè одведе во една волшебна шума, каде преку бајковита приказна и незаборавни ликови, децата научија важна лекција – природата мора да се чува и негува, велат од ООУ „Св. Климент Охридски“ – Драслајца.

Публиката уживаше во оригиналната сценографија, прекрасните костими, музиката и интерактивните моменти кои ја направија оваа претстава вистинско доживување.

Во претставата играа актерите: Магдалена Ризова-Черних, Ема Давчева и Сашо Ристовски.