На 8 јуни, пред 81 година, во селото Локов, Струшка Малесија е формирана Првата македонска народно-ослободителна ударна бригада, подоцна прогласена за пролетерска. Во Струга и во други места каде што водеше крвави борби за слобода на македонскиот народ и народностите во Македонија.
По тој повод во Струга, на 8 јуни 2025 година, во чест на 81-та годишнина од формирањето на Бригадата под мотото: Мир-Традиција -Иднина, Сојузот на борците 1941-1945 на Македонија – Општинскиот одбор на борците и подржувачите од Струга, на Денот на формирањето на Бригадата, делегации организирани во групи предводени од претседателот на боречката организација Ајредин Мемети и потпретседателот Вангел Наумоски, граѓани и претставници од локалната самоуправа положија цвеќе на споменикот од НОБ и другите спомен обележја во Струга и на бистите на паднатите борци на кејот од реката Црн Дрим. Додека пак месната заедница од село Локов предводена од претседателот на месната заедница положија свежо цвеќе на споменикот во Локов каде што е формирана бригадата.
Борбениот пат на бригадата е мошне богат и инспиративен за формирањето на останатите бригади на подрачјето на Македонија и борбеното расположение и отпор во Егејскиот дел на Македонија, вклучувајќи го периодот на дејствување на Македонските баталјони во состав на Првата Македонска-Косовска бригада па се до завршните операции во ликвидирањето на фашистичкиот окупатор на Сремскиот фронт. Бригадата борбено дејствува на подрачјето на Струшка Малесија и Дебарца. По борбите на „Кленоец“ за одбрана на слободната територија и Богомилскиот поход, учествуваа во борбите за ослободување на Охрид, Струга, Дебар, Кичево и Гостивар, за потоа, со маршот под мошне тешки услови од Врање до Стара Пазова, во состав на 48-та Дивизија, да се прослави во пробивањето на Сремскиот фронт.
Бригадата учествува во ослободување на Винковци и Славонска Пожега. Потоа во борбите за ослободување на Загреб, се до Целје и Дравоград, во чистењето од непријателските единици.
По враќањето зема учество во чистење на Босна од непријателските сили, за конечно на 20-ти јуни 1945 година, повторно да се најде во Македонија, истакна претседателот Ајредин Мемети.
Текст и фото: СТОЈАН КУКУНЕШОСКИ
StrugaOnline
Facebook Коментари