Под мотото ,,Трчаме, рецитираме“ денеска во Струга се одржа првото издание на спортската манифестација ,,Трка на поезијата“. Звучни имиња од светот на спортот од земјава и регионот учествуваа на трката од 10 километри, а на пет километри се натпреваруваа рекреативци. Победник во машка конкуренција во трката на 10 км е Милош Ранчиќ, вицешампионската позиција ја освои Миомир Алексовски, а трет беше Александар Караџиев.
Во женска конкуренција, најдобра беше Билјана Караџиева, второ место освои Весна Караџиева, а трета беше Сандра Арсовска.
Во трката на 5 км во машка конкуренција победи Христијан Ивановски, втор беше Атанас Епов, а третото место го освои Грегоријан Никовски.
Во женска конкуренција победи Николина Милевска Вељановска, второ место освои Екатерина Кукоска, а трета беше Славица Игнатовска.
Strugaonline
фото: Сотир Настоски
Facebook Коментари