На социјалните мрежи се шири вест дека во Струга се случуваат обиди за провали во домовите за што се бара од стружани за зголемено внимание и претпазливост.
-Во последниот период, во Струга се случуваат обиди за провали во домови. Непознати лица се движат низ населбите, ѕвонат на вратите – и доколку никој не отвори, се обидуваат да влезат преку прозорец.
Она што е особено загрижувачко е што овие обиди се случуваат сред бел ден, околу 13:00 часот – кога луѓето најмалку очекуваат опасност.
Само 50 метри од полициската станица, вчера се случил ваков инцидент. Девојка која била во домот видела како сторителот со еден удар успеал да отвори прозорец. За среќа, таа останала неповредена.
Случајот е пријавен во полиција, која веќе добила и други слични пријави. И покрај доставените видео-снимки, сторителот сè уште не е идентификуван. Загрижувачки е што институциите или немаат капацитет, или немаат волја да ги преземат потребните мерки, се вели во предупредувањето, се вели во објавата.
Апелираат до граѓаните да не отвораат врата на непознати лица и да пријават веднаш доколку забележат сомнително движење или лице.
StrugaOnline
Facebook Коментари