Проектот „Подводни археолошки и интердисциплинарни истражувања на локалитетот Врбник“е продолжение на долгогодишните подводни истражувања на локалитетотот кои се одвиваа од 1998 год. и ги водеше археолошкото одделение во НУ Музеј на Македонија во соработка со Народниот музеј д-р Никола Незлобински од Струга и Сојузот на нуркачки друштва на Република Македонија, под раководство на археологот Воислав Санев.
Од 2001 год. истражувањата ги водеше НУ Музеј д-р Никола Незлобински од Струга, а во последните три години Археолошкиот музеј под раководство на м-р Валентина Тодороска, подводен археолог. Во 2021 год. проектот стана дел од EXPLO проектот кој го раководеше Универзитетот во Берн и проф. Алберт Хафнер.Во рамките на овој проект беа направени дендрохронолошки и радиокарбон анализи од страна на д-р Андреј Мачковски, на 250 примероци од дрвени колци со кои се доби прецизна датација на локалитетот и веќе го имаме првиот датиран локалитет од железното време во Македонија. Со истражувањата се откри голем број на движен археолошки материјал.
Оваа година подводните археолошки истражувања се одвиваа на простор од 20 х 10м и се добија повеќе податоци за архитектонските елементи на населбата и типот на градбите.Учесниците во овогодинешниот проект се: д-р Александра Папазовска, археолог – раководител на проектот, м-р Валентина Тодороска – подводен археолог, Бојан Танески -подводен археолог, д-р Орданче Петров – подводен археолог, Seraphim Nagel, Cal Poly Tech University, Arcata, California, USA – подводен археолог, м-р Александра Чевреска – археолог,
и нуркачки тим: Димитар Стојаноски, Слободан Рајковски, Никола Мартиноски, Владимир Голабовски и Александар Ацев.
StrugaOnline
Facebook Коментари