Црвен крст на РСМ донира 10 000 евра и материјална хуманитарна помош во Албанија

Црвениот крст на Република Северна Македонија изразува сочувство до граѓаните, семејствата и институциите на Албанија, за жртвите од земјотресот.

.-Во исто време, сме со мисли, надеж и верба да бројот на жртвите не се зголеми и посакуваме брзо оздравување.-велат од таму.

Црвениот крст ја следи состојбата на терен и е во постојан контакт со Меѓународната Федерација на Црвен крст и Црвена полумесечина, Албанскиoт Црвен крст и владините институции со цел утврдување на приоритетните потреби на терен и организирање на хуманитарен одговор.

Црвениот крст на РСМ донесе одлука од сопствени резерви да додели првична парична помош во висина од 10 000 евра наменета за жртвите од земјотресот, како и материјална хуманитарна помош што вклучува вреќи за спиење, ќебиња, монтажни кревети, пакети со храна и пакети со средства за хигиена.

Воедно ги објавуваме и телефонските броеви за донации „ 070/075/077 143 400 “ како и бројот на жиро сметката на фондот за солидарност „ 300000001327966 “каде што заинтересираните граѓани може да уплатат парични средства.

Заинтересирани лица од други земји може да донираат на:

NAME OF THE ORGANIZATION: RED CROSS OF THE REPUBLIC OF NORTH MACEDONIA

BANK NAME: KOMERCIJALNA BANKA AD SKOPJE

BANK ADDRESS: UL. ORCE NIKOLOV NO.3, 1000 SKOPJE, NORTH MACEDONIA

BANK ACCOUNT: 300000000000133 25730522-11

SWIFT CODE: KOBSMK2X

IBAN CODE: MK07300701000001228