Денеска започнува вакцинацијата против сезонски грип. Бесплатната вакцинација е наменета за стари лица (над 65 години), лица со хронични заболувања, здравствени работници, бремени жени и деца на возраст од 6 месеци до 5 години.
Пријавувањето се одвива на vakcinacija.mk каде што по пријавувањето, граѓаните кои спаѓаат во горенаведените групи добиваат термин.
Покрај бесплатните, обезбедени се и комерцијални вакцини, кои чинат 800 денари и за нив граѓаните може да се имунизираат без закажување термин.
Од Министерството за здравство информираа дека вакцините се од холандскиот производител „Абот“.
Вакцинацијата против сезонски грип, што е незадолжителна, е најефикасна мерка за превенција на грип, која спречува појава на потешки форми, компликации и смртен исход особено кај ризичните групи.
Facebook Коментари